පොඩිඑකාගෙ රචනාව

ඈත එපිට ගම්මානෙක-දුෂ්කර පාසලක්ය එය
දිළිඳු දරුවො කැළකිය-මෙහි ඉගෙනුම ලැබුවේ

පාසැල අල්ලපු ඉඩමේ-අයිතිකාරයා හිතුවා
පාසැල් ඉඩමෙන් පොඩ්ඩක්-අල්ලා ගන්න


මිනිහගෙ එක චංඩි පුතෙක්-පාසල් වත්තේම කොනක
පැල්කොටයක් අටවා දී-පදිංචි කෙරුවා

ඉගෙන ගන්න දරු පැටවුන්- හට මැරකම් පෙන්නාලා
මේ පුත්තරයා ඉඳහිට-ගුටිබැට දුන්නා

මෙහෙම කලක් ගතවුණේය-පුරස්නයද තද වුණේය
මේ මැරයා පාසැලටම-මහ කොඩිවිණයක්

ආපු ගියපු විදුහල්පති-අද්යාපන අද්යක්සක
හැමදෙනාම දැඟලූ මුත්-නැත කිසි විසඳුම්

මේ අතරෙදි ලමුන් පිනට-ආවා මේ විදුහල්පති
මුන්නැහැ අර අනික් අයට-වැඩිය තදබලයි

පුරුදු පරිදි ලමුන් ඇවිත්-මැරයාගෙන් ගුටිකාගෙන
මේ විදුහල්පති තැනටත්-පැමිණිලි කෙරුවා

සරම කරට අරගන්නේ-විදුහල්පති නැගිටින්නේ
ගුරුවරු හා ලමයි රැගෙන-එළියට බැස්සා

කොයි .@$ගෙ පුතාද බොල-මගෙ පැටව්ට අත තියන්නෙ
තොගෙ @%&ට *%^&වා- කියලා කිව්වා

මැරයගෙ පැල වටකරලා-එළියට අැදලා අරගෙන
දීලා ගුටි පූජාවක්-එළවා දැම්මා

ලමයින් ගුරු දෙගුරු සැවොම-ජය ගෝසා පවත්වලා
විදුහල්පති කරෙන් ගෙනත්-පුටුවෙන් තිබ්බා

එදා පටන් මේ උතුමා-පාසැල් සංවර්ධනයේ
වැඩකටයුතු කරින් අරන්-ගේමට බැස්සා

ගොඩනැගිලිද පටු මාවත්-විද්‍යාගාරද පිට්ටනි
රංගන ශාලා විදුහල්-බිම ඉදිවෙන්නේ

හෝඩියෙ උන් තුරුලට ගෙන-පහේ උන්ගෙ හිස අතගා
ලොකු කොල්ලන් නාවාලා-පිරිසිදු කෙරුවා

කට්ටි පැන්න කොල්ලන්ටත්-පොඩි දඩයක් ගහල වුනත්
නිදහස් අද්යාපනයේ-පල ලැබදුන්නා

මේ විදිහට පාසැලේම-හැරවුම් ලක්ෂ්‍යයක් වෙලා
මේ විදුහල්පති උතුමා-යෙහෙන් වැජඹුනා

කෘෂිකර්මය තාක්ෂණය-අනෙකුත් වෘත්තිය පුහුණුව
එළ සුපිරී පාසලකිය-බිහිවී ඇත්තේ

ඔය අතරේ ලොකුපුටුවට-කෙලහල හල උන්නු අනෙක්
අංශ ප්‍රධානියන් නිතර-ලෙඩමයි ඇද්දේ

එනමුත් ගුරු මණ්ඩලයේ-වැඩි පිරිසක් තමන් ලබන
වාසි පිනිස විදුහල්පති-සමගිනි උන්නේ

මෙතුමාටත් පැන්ෂන් යන-දිනය කෙමෙන් ලං වූවා
සේවා දිගුවක් ඉල්ලා-ලියුමක් යැව්වා

කෙතරම් රහ වුණත් අනේ-මී පැණි වුව එපා වෙතේ
ගොඩක් ලමයිටත් මේ ගැන-හිතිලා තිබුණා

අවකල් දෑ සිදුවෙනබව-පාසැල් පරිපාලනයේ
එහෙන් මෙහෙන් කටකතාද-පැතිරී තිබුණා

දෙගුරුන් හා ලමුන් එක්ව-සේවා දිගු එපා කියා
තැන් තැන්වල රැස්වීලා-ගෝසා කෙරුවා

විදුහල්පති අනුහසිනේ-කැන්ටිමකුත් කරමින්නේ
ඉන්නා මුදලාලියෙකුට-නුවණක් ආවා

උපාය ඥානය යොදලා-දස්ස ලමුන් රැස් කරලා
රචනා තරඟයක් තියමු-කියලා කිව්වා

මේ විදුහල්පති තුමාව-දිගටම මේ විදුහලේම
තියාගන්න ඕනි මොකද- මාතෘකාවයි

අනු තේමා බරගානකි-කොයි පාරෙන් ගියත් අනේ
නවතින්නට වෙන්නේ-මැක්කා ගැන ලියලයි

ඒ හතරේ පිරිසිදු කොල-අරං වචන දෙදාහකින්
ලියන්න කියලා ලොකුවට-තරඟය තිබ්බා

රචනා තෝරන අතරේ-විනිසුරු මණ්ඩලේ ඈයො
වචන දෙහෙක අමුතුම-රචනාවක් දුටුවා

අලුගුත්තේරුවෙක් කවුද-පොල්ගෙඩි අකුරින් ලොකුවට
$@% අමාරුවට- කියා ලියලා තිබුණා