ඔබද ලක්ෂපති? මමද ලක්ෂපති?

පැණ විමසුම් තරඟයක්ය - ලක්ෂපතියො බිහිකරනා
එකමත් එක බිරිඳක් මේ - තරඟෙට ආවා

සති තුනකින් අවසන් වන - මේ තරඟෙදි අර බිරින්දැ
මුල් සති දෙක සාර්ථකව - මුල්තැන ගත්තා



අවසන් සතියෙදි අහන්නෙ - එකමෙක පැණයක් පමණයි
එ් ගැන සිතමින් දිව රෑ - ඇයද සැරසුනා

තරඟ දිනය ලංවන විට - ඇයට ඉවසගන්නට බෑ
ආසාවයි බයයි එකට - තරඟ වදින්නා

තරඟ දිනට පෙර දිනයේ - ඇය සිටියේ උමතුවෙන්ය
මනුස්සයා සමග වුණත් - නිකං පැටළුනා

බලා ඉන්න බැරිතැන මෙය - ඔහු නිවසින් පිටවූයේ
ප්‍රශ්නය සහ පිළිතුර ගෙන - එන්නෙමි කියලා

හොඳටම හැන්දෑ වෙද්දී - ඔහු නිවසට පැමිණෙන්නේ
සිනා මලක් මුව රන්දා - හඳ පෑයූ සේ...

යුරේකා යි කියමින් ඔහු - ආකිමිඩිස් පණ පෙව්වා
බිරිඳද ඇත කුතුහලයෙන් - හොඳට ඇවිලිලා

ඉතිං අනේ කියන්නකෝ - මගේ ප්‍රෙෂර් නොම වැඩිකර
ප්‍රශ්නය සහ පිළිතුර දෙක - සොයාගත්ත ද...?

ඔව් ඔව් මම සොයාගත්ත - සෑහෙන වෙහෙසක් අරගෙන
මගේ ඔත්තු ජාලය අද - හොඳට වැඩකලා

ප්‍රශ්නයනම් පිරිමි සිරුරෙ - ව්‍යුහය තුල ප්‍රමුඛ ලෙසින්
ක්‍රියාකරන අවයව තුන - සොයන එක තමා

මොළය සමග හදවත හා - මොකක්ද එක තමා අනික
කිරිගහකට පිහියෙන් ඇන්නා වාගේනේ

හොඳින් මතක සිටිනා ලෙස - රෑ එළිවෙනකං බිරිඳට
උත්තර තුන කට පාඩම් කරන්නට වුණා

පසුදිනයේ ගැහෙමින්නේ - බිරිඳද තරඟෙට යන්නේ
ප්‍රශ්නෙ අහන නැකතත් දැන් - ඔන්න ලං වුණා

පැණ විමසන නිවේදකද - බර කරලා තම කටහඬ
පිරිමි සිරුරෙ ප්‍රමුඛම අවයව ගැන ඇහුවා

අනේ බලන් පිංවත්නී - මොළය සමග හදවත යන
උත්තර දෙක කීව නමුත් - අනික මතක නෑ

තරඟකාර බිරින්දෑද - හිස කසමින් අනික් වචනෙ
මතක් කරන්නට ලොකු වෑයමකය යෙදුනේ

කවුන්ට් ඩවුන් පටං ගනී - තව තත්පර තුනයි අැත්තෙ
ඇය අසරණ විලසින් කෙඳිරියකිය නැගුවේ

ඊයේ රෑ එළිවෙනකං - මගේ කටේ තිබුණානොවැ
හරි වචනය ඒත් අනේ- දැන් මතකේ නෑ

පිළිතුර ආසන්න ලෙසින් - නිවේදකය පිළිගත්තා
ඔල්වරසන් මැද්දේ ඇය - ලක්ෂපති වුණා