ඩයිනමයිට්

බොඩි බිල්ඩර් කෙනෙකිය ඔහු - දවසක් ක්ලබ් එකට ගියා
බීර පයින්ටුවක් රැගෙන - බොන්න සැරසුනා

ඔන්න ඔය වෙලේ එතනට - ආවා සුන්දර අඟනක්
කියා නිමකරන්න බැරිය - ඇගෙ රූ වරුණ


දුටුව සැනින් ඔහුගේ සිත - ඇදී බැඳී ගියෙ ඈ වෙත
සෙමෙන් සෙමෙන් කතබහට - දෙදෙන එක් වුණා

රෑ බෝවෙද්දී දෙදෙනා - ඔහුගේ නිවහනට යන්න
කතිකාකර ගත්තෙ හිතින් බොහෝ ලං වෙලා

නිවසට ගොඩවැදුනු වහා - ඔහු ඇය ගෙන කාමරයට
තම සිරුරේ ඇති වැඩ කිඩ - පෙන්නන්න වුනා

කමිසය ගලවා ඉවතට - පපුව දමාලා පෙරටම
අත්ගොබ වල මහ මස් පිඬු - පුම්බලා තබා

බලන්න ඩාලිං මේ දෙස - කිලෝ සීයකී මෙහි බර
ඩයිනමයිට් තමා ඇත්තෙ - පුරවලා ඉතිං

ඇය මවිතව දැකපු දෙයින් - ඇස් උඩ ඉන්දාගන්නේ
අතකින් මුව වසා ගනී - අදහනු නොහැකී

ඔහු කලිසම ගලවන්නේ - දෙපා පළල් කරමින්නේ
මසින් පිරුණු නහර පිපුණු - කලව පෙන්වමින්

මේකත් පොඩ්ඩක් බලන්න - කිලෝ සීයකී මේවත්
ඩයිනමයිට් තමා ඇත්තෙ - පුරවලා ඉතිං

ඇය නැවතත් මවිත වෙතේ - හුස්මත් හනි හනික වැටේ
මෙවන් කාය වර්ධනයක් - ඇය නෑ දැකලා

දැන් ඇත්තේ යට කලිසම - ඒකත් ඔහු ගලවන්නේ
අන්න එවිට ඇය බියවී - බෙරිහන් දෙන්නේ

ගත්තා ඇගෙ අත් බෑගය - දිව්වේ නිවසින් එළියට
ඔහු ඇය පසු පස දුවගොස් - අල්ලා ගත්තා

මොකක්ද මම කරපු වරද - ඇයි ඔබ මෙලෙසින් බියවී
කෑගසමින් දිවයන්නේ - කියා කියන්න...

තවමත් බියපත් දෑසින් - ඔහුගෙන් මිදිලා දුවන්න
සැරසී ඇය මෙන්න මෙහෙම - දේකිය කීවේ



කිලෝ දෙසීයක් ඇතිකොට - ඩයිනමයිට් සෙට්කරලා!
බය නැතිවයැ! අච්චර කොට සේව නූලකින්!