දඩයක්කාරයා

වසර ගණනකට පෙරදී - ඉන්දියාවෙ කල් ගත කල
දඩයක්කුරුවෙකුය මෙයා - දැන් වියපත් වූ

ඒ කාලේ කල දස්කම් - උජාරුවෙන් සිහිපත්කර
මිතුරන් අතරේ බෙහෙවින් - ජනප්‍රිය වුනා


දවසක් එක පත්තරේක - ලිපි ලියනා ලේඛකයෙක්
මොහුගේ අත්දැකීම් ගැන - ලියන්න හිතුවා

එසේ සිතා ඔහු හමුවී - සාකච්ඡාවක් කෙරුවා
අතීතයේ සුරුවිරුකම් - සිහිපත් කරවා

තොරතුරු සේරම අහලා - අවසානේ පුරුදු ලෙසින්
අමතක නොවනා සිද්ධිය - කුමක්ද ඇහුවා

වයෝවෘද්ධ දඩයක් කරු - දිලිසෙන්නා වූ දෙනෙතින්
ලේඛකයා දෙසට ටිකක් - නැඹුරු වුණාලූ

එකමත් එක ඉන්දියානු - ගමක් බියෙන් සලිත කරපු
බෙංගාලී ව්‍යාඝ්‍රයෙක් - මරන්නට වුනා

ගම් වැසියන් කීපදෙනෙක් - ගමනට එක්කාසු කරන්
රයිපලයද මානා මම - කැලේට වැදුනා

හතර වටේ අඳුරු වෙලා - තිබෙනා ඒ මොහොත තමා
ව්‍යාඝ්‍රයා ගම දිහාට - එන වේලාව...

පඳුරු අතරේ රිංගාගෙන - මම යනවා ඉස්සරහින්
එක පාරට කලු ගුලියක් - පැන්නා පෙරට...

අතේ තිබූ විදුලි එළිය - අල්ලාලා බලන කලට
ව්‍යාඝ්‍රයා සිටී මදෙස - රවා බලමිනේ

සහයට සිටි ගම් වැසියෝ - හිස් ලූ අත දිව ගියෝය
තනිවම මා මෘගයාට - ඉතිරිව තබලා

මදෙස බැලූ ව්‍යාඝ්‍රයා - ග්ර්ර්ර්...ග්ර්ර්ර්...ගෙරවූවා
අනේ අපොයි මට කලිසමෙ - කක්ක ගියානේ

මේ මොහොතේ ලේඛකයා - මදකට ඔහු නවතාලා
ඔහුගේ අදහස් සමගින් - මෙලෙස එක් වුණා

දරුණු ව්‍යාඝ්‍රයෙක් කැලේ - මැද්දෙ එහෙම මුණගැහුණම
කාට වුණත් කක්ක නොගියනම් නොවැ පුදුමේ

.......

හිස සලලා දඩයක්කරු - මෙහෙම කියා සිටින්නේය
එවලෙ නෙමෙයි මේ දැන් මම ගොරවපු වේලේ