කළගුණ - 01

ගිය වසරේ ඔක්තෝබර්         විසි හත දා

ඉගිලෙන සමනලෙක් විලසින් තටු විහිදා

මේ අවකාශයට පියඹා          පැමිණිය දා

මධුමාධවී කව් සරණිය     ඇරඹුණු      දා

දස මාසයක් ගෙවිලා යන තැනේ මෙම

පණස් දහසකුත් ගොඩවී ඇත  මෙ ඉම

ඇරඹුනු දා පටන් වෙනසක් නොදැනීම

රැඳුනු ඔබට කළගුණ සලකමිය     මම

කවි අඩවියක් මෙතරම් දුරකට    ඒම

මටනම් රජ කමකි ඔබගේ පිළිගැණුම

කළගුණ සලකනා විලසින් ඉතින් මම

සුරතින් අඳිමි රූපය ඔබ      සැමගේම

කෙතරම් ඉහල සංඛ්‍යා ඇතිමුත්     ලබලා
මුල අමතක කරනු කෙලෙසද අහක බලා
පිරිහීමට මුලයි එලෙසින් වීම           මුලා
එනිසා සිහිකරමි එන කියවන       ඔබලා

මුල් දින මෙහෙට ගොඩවීලා         සුභ පතලා

මා කවුරුදැයි සොයනට වෙහෙසත්        වීලා

දාහත් දෙනෙක් ඇත මා හට මතක්       වෙලා

දෙන්නෙමි සිහිවටන බඩ කට          පුරවාලා

පළමුව අදහසක් පළකෙරුමට           පැමිණ

උපදෙස් සමග සුබ පැතුමන් ගෙන       එමින

අද දින දිසාපාමොක් පැටියෙකු         ලෙසින

සිටිනා  මගෙ මලේ ඔබ සිහිකරනෙමි   මුලින

ආගිය අතක් දැනගන්නට නැතිව           ගියා

ඔබ නැති අඩුව අපහටනම් දැනෙන        නියා

නැවතත් ලියනතෙක් සිටිනෙමි දෙනෙත් අයා

කොයි වල ගිහින්දෝ උස දඬු අපේ        මෙයා

ඉමක් කොනක් නැති විශ්වය කරා           ඇදී

දහවල් තරුද අපහට ඇත පෙන්වා              දී

ඔබ දැන් නිතර නොදකින එක හිතට        මදී

මේ කොල්ලත් ප්ලූටෝ වෙත ගිහින්        ඇදී

මුන්නැහේගෙ තරු දානේ                 ලියන්නට

සිදුවී ඇත්තෙ අපටයි             පෙනෙනා ලෙසට

ඉඳහිට පෙනී නොපෙනී යන              විලාසෙට

සිතිජයෙ ගිලෙන හිරු සිහිවේ      මොහොතකට

අමු චණ්ඩියෙක් විලසට  ඇඳගෙන  සිටියා

කතාවෙන් පෙනේ මූ නම්       බඩු දෙයියා

හැමතැන නිතර නෑ ඉඳ හිට      පෙනී ගියා

ඉන්න තැනක සැප ලැබියන් කොන්ඩයියා

වැඩ්ඩෙකි ඇත ලොව අප රට නමද තියා

ගුවන් තොටක් වුව දවසෙන් හදයි මෙයා

විවේචනය අතිනුත් පෙරමුණ        හිටියා

මම ගරු කරමි සිහිකරලා          මේ සීයා

වතුරේ කලක් බැහැගෙන උන්නා     මදිව

ජල සම්පත් රකින ලකුණක් ඇත්තෙ තව

ගැදි පැදි දෙකෙන් අප නලවන සේම නැව

මිතුර හරි දුකයි නුඹ දැක        නෑනෙ තව

තට්ටේ දිලිසේය බුරුසුව සේ    රැවුල

මහන මැෂින් කොම්පියුටර් නෑ  අවුල

දිරිය මිනිසෙකිය ගති ගුණ ඇති විරල

අටමගලක් ගෙන එන මූ රට      පතල 

රජයේ ගුවන් විදුලියෙ ගබඩාවෙ              තැටී

කොපි ගහගෙන ගොඩගහගෙන තිබෙන  සැටී

තැනට ගැලපෙනා සින්දුව               දමන සැටී

පුදුමයි මචෝ එළකිරි!               උඹ රටක් වටී

අප නිවසේ වීරයෙකිය                 මේ මිනිසා

බ්ලොග් ලොව රජෙකි හැබැහින් වුව ඒ විලසා

අළුතෙන් එන්නන්ට දෙන්නේ මග       පවසා

හඳුනාගන්න හැකිදැයි බලනුව             විමසා

කලකට පෙර කවි ලිව්වත් මෙන්න මෙයා

මුල් දිනයේ සිටියත් දැන් නැති      සැටියා

කවි රස හොඳින් හඳුනන බව පෙනී  ගියා

සුදෝ එන්න ආයිත් මේ ඉමට           ඔයා

එකොලොස් දෙනෙකි ලැයිස්තුවේ නම් ලෙසට

එනමුත් බැට් කරන්නේ දෙන්නයි            එකට

පහන් කණුවකිය ඔබලා                   රූ ලෙසට

රන් පවුලට  මේ තුති                  සහයෝගයට

රූපය අඳින්නට හරි පහසුය         මොහුගේ

වැලමිට පනිනවා ඇන්දම     වෙන  උන්ගේ

මේ අයියත් මේ කොටුවෙන් ගිහිං       වගේ

වෙන වෙන කොටුවලදි බිත්තර දමන රඟේ

චේ පපුවේ මාලෙ ගෙලේ        තිබුණාට

ආදරණීය බිලාලයෙකි            දුටු ඇසට

කියනා වචන නෑසේ කිසි විට      කණට

 ලියන්නෙනම් නැව් පෙරලන්නා ලෙසට

පාට පාට තොල් ගොඩකින් හාදු  ගෙන

අවන්හලක් ඇත්තේ    ගොඩනගාගෙන

ඉඩ ලද විටදි ගොඩවී හොඳ   කියාගෙන

යන නුඹ එතැයි හිඳිනෙමි මග බලාගෙන

පළමු දිනෙන් පසු දුටුවේ නැත  තවම

ඇතැම් තැනක ඉඳහිටලා     දැක්කාම

දේසපාලනය පලු අරිනා         ලෙසම

තරහා නොවන මිනිසෙකි මේ කවදාම

කේසර සිංහයෙක්ගේ රූපය          ඇත්තේ

සිංහය සේම දවසම නිදනව           ඇත්තේ

සිංහ දෙන තමා කටු කනවා           ඇත්තේ

ගොරවන නමුත් යන්තම් සද්දෙකි ඇත්තේ

*************

මේ දාහත් දෙනා හැරුණම ඉතිරි වුන

පසුව පැමිණි සැමගේ රූ අඳිමි      මම

එනමුත් ලිපිය දිග වැඩි වෙන හින්දාම

ඉදිරියෙදී දමමි හැකි  සැම    විටකදිම

අවසන් ලෙසින් අමතක කලයුතු     නොවන

සිව් දෙනෙකිය කලකට පෙර       ඇතුළු වුන

අද මම නොවෙයි මෙහි හිමිකරු මෙසිව්දෙන

උඹලා තමයි සිව් රෝදය මෙය             දුවන

රැයක දුටොත් මළ මුත්තර             පහව යන

බියකරු රූපයකි රුහිරෙහි          ඉව සොයන

එනමුත් තරුණ කොල්ලෙක් බවනම් පෙනින

එල්ලමි සුදුළූණු නුඹ එන            ලකුණු දැන

කයි පද බඳින්නට සුරුවෙකි   මේ පැටියා

හොම්බ දිගයි බෙල්ලේ කැමරා     පටියා

පොටෝ ගහන එක හැර සැම දැන සිටියා

මිනී නොකයි කැ.... හො....        පැටියා

ඔන්න මලේ කැමරාවත්       කටිං  අරං

කළුවර නිසා හුළු අත්තත්    අරං  වරෙං

පෝය දාට පන්සල් ගොස් කරන කෙරුං

ආච්චියෙක්වත් බේරෙනු බොරුය මුගෙං

හරි මහතයි සූමෝ පොර විලස  මෙයා

කෙල්ලො දාස් ගාණක් වට කර සිටියා

සෙන්ට්, ඩාදියද සමගින් කෙස් කැටියා

කලිසමෙ තිබී සඳුගෙන් කෑවයි  ගුටියා

*************

ඔබෙන් ලද සම්මාන

*************

ලියලා නිමක් කරනට බැරි වෙනා   හැඩයි

වචනෙට වඩා රූපය දහසක්           දනවයි

ඒක නිසා වෙහෙසක් නොදැනෙන ගානයි

සුන්දර මිනිසුනේ නුඹලා මගෙම      අයයි

(ඊ ළඟ ලිපියට..........................මතු සම්බන්ධයි)

(අද පෝස්ට් එකේ ඉහල පහල යාමට ගාස්තුව කි.මී. 1 ට රු.60 යි)