ලයිසන්

එකමත් එක දවසක්දා - යෙහෙළියකගෙ ගෙදර යද්දි
පුංචි දුවෙක් අම්මාගෙන් - මෙහෙම අහනවා


අම්මෙ ඔබේ වයස කිමද - කියලා මට කියනවාද 
පුංචි කමට ඇහුවත් එය - මවට තද වුණා

ඔයා මේක හිතට ගන්න - මීට පස්සෙ එපා ඔන්න
ගෑණු කෙනෙක්ගෙන් කිසිදා - වයස අහන්න...

එය අහගෙන මදක් වෙලා - නිහඬ වෙලා උන්නු කෙලී
අම්මෙ ඔබේ බර කීයද? - කියා අහනවා

අම්මට යලි තදවෙනවා - කලින් කියපු එකමයි මට
ඔය ප්‍රශ්නෙට දෙන්න තියෙන - එකම උත්තරේ

මූණ ඇඹුල් කරගත් දුව - නිහඬව යලි පසුවෙනවා
අන්තිමේදි යෙහෙළියගේ - ගෙදරට ආවා

අම්මල දෙන්නා එක්වී - ඕප දූප හුවමාරුවෙ
ඉන්නා අතරේ කෙල්ලොත් - කයිය ගහනවා

පුංචි කෙලී යෙහෙළිය හට - කිව්වා තම සිතැති පැණය
මව පිළිතුරු නොදුන් බවත් - ඇය හට කීවා

ඇගෙ යෙහෙළිය සිනා සලා - අයියෝ ඔය සියළුම දේ
ඇගෙ ඩ්‍රයිවින් ලයිසන් එකෙ - ඇති යැයි කීවා

පොඩි දෝනිය හොර රහසේ - වාහයනයට රිංගාලා
මවගේ ලයිසන් එක ගෙන - කියවා බැලුවා

*********************

ආපහු එන අතර තුරේ - දියණිය හඬ අවදිකලා
අම්මේ මම ඔබෙ විස්තර - සියල්ල දනිමී...

අම්ම එවිට පුදුම වෙලා - දියණිගෙ මුහුණට එබිලා
හොඳයි! මොනාදෝ දන්නා - විස්තර? ඇහුවා

ඔබේ වයස හතලිස් පහ - එහෙම වුණේ හැත්තෑවේ
ඔබ ඉපදි ඇති හින්දයි - මෙමං දන්නවා

අම්මා පුදුමය සඟවා - කට කොනකින් තොලත් සපා
තව දන්නේ මොනවාදැ‘යි - අහලා බැලුවා

කිලෝග්‍රෑම් එකසිය තුන - වෙයි ඔබගේ සිරුරේ බර
ඒකත් දන්නවා මෙමං - නොකිව්වට ඔයා

අම්මට පුදුමෙන් පුදුමයි - පසෙකට කර රිය නවතා
දියණියගේ දෑස් වෙතට - එබිලා බැලුවා

ඒ විතරක් නොව අම්මේ - මම දන්නවා ඔයාව ඇයි
ඩිවෝස් කලේ කියලා දැන් - අපේ තාත්තා

මවට මෙවලෙ හිත ඇතුලේ - ඇතිවූ දේ කිව යුතුමද
ඇය ඇසුවා ඒ මොකදැ‘යි - තම දියණියගෙන්

වෙන මොකවත් හින්ද නෙමෙයි - තාත්ත ඔබ අත හැරියේ
සෙක්ස් වලට ඔබට ඇත්තෙ - එෆ් එකක් නිසා




෴෴෴෴෴෴෴෴෴෴෴෴෴෴෴෴෴෴෴෴෴

නත්තලට සුභ පතන්නත් බැරිවුණා. 

හැපී බිලේටඩ් ක්‍රිස්මස් මයි ඩියර් ෆ්‍රෙන්ඩ්ස්!

ඔන්න සිංහලෙංම කිව්වා.

ඊ ළඟට, අපිත් එක්ක හැමදාමත් හිටපු සහෘද බ්ලොග් වාසී සියළුම දෙනාට ලබන්නා වූ 2016 නව වසර අය වැඩි, වැය අඩු, කීයක් හරි අතට ඉතිරිවන අරපිරිමැසුම් දායක නව වසරක්ම වේවා!

මධුමාධවී වෙතින් සුභ පැතුම්!