නැන්දම්මා

ලඟදි විවාහය කරගත් - තම පුතාව බලනු පිණිස
ඔහුගේ මව දවසක් ඒ - නිවස වෙත ගියා

දොරට තට්ටු කරපු සැනින් - ලේලිය දොර ඇර ආවා
ඇඟේ නූල් පොටකුත් නෑ - උපන්න ඇඳුමෙන්


නැන්දම්මා බය වීලා - මොකද ළමයො මේ කියලා
ඇසුවෙන් ලේලිය මෙහෙමයි - පිළිතුරු දුන්නේ

මේක මගේ ලව් ඩ්‍රෙස් එක - ඔහු එන තුරු මග බලාන
ඔහු කැමතිම ඇඳුම මෙසේ - ඇඳං ඉන්නවා

ඒකත් එහෙමද එහෙනං - මං ගොහිල්ල පස්සෙං පහු
නිවාඩු පාඩුව එන්නම් - මව පිටවූවා

ගෙදරට යන අතර තුරේ - නැන්දම්මා නැවත නැවත
මේ ගැන සිතමින් යන්නේ - එයත් නරක නෑ

එදා හවස මාමණ්ඩී - ගෙදරට එනවිට දොරකඩ
නැන්දම්මත් ඉන්නවාලු - ලව් ඩ්‍රෙස් ඇඳලා

හත්වලාමේ අර මක්කැයි- ඔහේට මේ වෙලා ඇත්තෙ
කියලා මාමණ්ඩි ඉහේ - අත ගහගත්තා

මේක මගේ ලව් ඩ්‍රෙස් එක - ඔබ එනවිට ඇඳන් හිටියෙ
අපේ ලේලියත් එලෙසින් - කරනවා අනේ

ඉතිං හාමිනේ ඔහේගෙ - මහ ලොකු ඔය ලව් ඩ්‍රැස් එක
ඉස්තිරික්ක කොලේ නැතෙයි? - මාමා ඇසුවා