එලුවා

යාලුවො දෙන්නෙක් හවසක - ගමනක් යන අතරතුරේ

කැලෑ පෙදෙසකදි සිය රිය නවතා තබලා

පොඩි අඩියක් ගහන්නනම් - මේ හරියේ හොඳයි වගේ

කියා මහ මගින් තරමක් ඇතුලට ඇදුනා

ටිකක් කැලේ මැදට ගිහින් - බෝතලයක් හිස් කෙරුවා

අඩ අඳුරේ බමන මතේ - යන්න සැරසුනා

එක මිතුරෙක් දකී එවිට - ළඟම තිබුණු පාලු ලිඳක්

කුතුහලයෙන් ඇවිස්සිලා - එබිලා බැලුවා

වතුරත් නෑ පතුලක් නෑ - අන්ධකාර අගාධයක්

ගලක් දමා ගැඹුර බලමු යෝජනා කලා

තරමක් පොඩි ගලක් දැමී - කිසිම සද්දයක් නැත්තේ

ලොකු ගලකුත් අත ඇරියා - ඒත් එහෙමමයි

එවිටම දෙදෙනා දැක්කා - ඊට ටිකක් දුරින් වෙන්න

හිටවාලා තියෙනා බව - සිල්බර කොටයක්

දෙන්න එක්ක වෙහෙස වෙලා - කොටය ගලවලා අරගෙන

අමාරුවෙන් ළිඳ ගාවට ඇදගෙන ආවා

අතහැරියා ලිඳ අස්සට - ඒත් නෑනෙ සද්ද බද්ද

මේක වැඩක් නෑ කියලා යන්න සැරසුනා

ආපසු හැරුණා විතරයි - එලුවෙක් එනවා දුවගෙන

මේ දෙන්නට අනින්නටයි - ඌ දිව එන්නේ

පණ බේරාගෙන දෙන්නා - පැන්නා පඳුරක් අස්සට

එවිට හරිම පුදුම දෙයක් සිදුවනු දැක්කා

වේගෙන් දිව ආ එලුවා - මිනිසුන් දෙසවත් නොබලා

කෙලින්ම අර ලිඳ ඇතුලට සැනෙකින් පැන්නා

මේක හරිම පුදුම දෙයක් - එළුවෙක් පණනහගන්නව
පළමු වතාවටයි දුටුවෙ - ජීවිතේටම...

මිතුරන් දෙන්නා පුදුමෙන් - උනුනුන් දෙස බලා ඉද්දි

කලබල පෙනුමෙන් මිනිහෙක් දුවගෙන ආවා

ඔහෙලා දෙන්නා දැක්කද - එලුවෙක් හෙම මේ පැත්තේ

මිනිසා මිතුරන් අමතා විමසා සිටියා

ඒක තමා හරි පුදුමයි - එලුවෙක් ආවා මේ දැන් 

ආන්න අර ලිඳ ඇතුලට ඌ පැන්නානේ

එහෙනං ඒ වෙන එලුවෙක් - මගේ එකා වෙන්න බෑනෙ

සිල්බර කොටයක මං ඌ බැඳලයි තිබුනේ

ඇන්ටිසිපේටඩ් කොමෙන්ට්ස්

මාතා- ෆ්රයිඩ් මටන් කියන්නෙ මගේ ෆේවරිට්ම එකක්, හැබැයි නැට්ට කොටා වගේ නෑ

ඔමා - ඇති යාන්තං, අපි (පොඩි ලමයි) ට හරියන පෝස්ට් එකක්

මෙන්ඩා - එලු ද බ්‍රා...ෆෝ කප් එකක් හරියයි නේද බං එළුවට?

රාජ් - මරු!

කල්‍යාණ මිත්‍ර - අඩේ කවුද බං අනික් බේබද්දා?

ඉවාන් - අදත් වල් එකක්ම ඇති කියලා නෑවිත් ඉන්න හැදුවෙ (මේ... අරවා නැද්ද බං?)

ෂෙෆාකි - මොකටද මචං බොන්න කැලේ යන්නෙ? රත්නපුර පැත්තෙ ඔය හොඳ හෝටල් තියෙන්නෙ.
ලොකුපුතා- අඩේ එතකොට උඹ කොහොමද බං ලිඳෙන් ගොඩට ආවෙ? 

රූපෙ - අඩේ පට්ටයි බං...

වර්ණ කුලකය- ජයවේ රස සරණි!

හැලපකඩේ - යකෝ මරු බං මදාවියෝ

සින්දු ඇනෝ - හික්ස්, උඹ හින්දා පාරෙ යන එලුවෙක් දැක්කත් හිනා යනවා බං..

සජ්ජා - උඹට මතකද ගෝනි එලුවා?

දිනේෂ් (වර්ණ) - දැන් මේ සිල්බර කොටේට බැන්ද එලුවමද වැටුනෙ ලිඳට?
මලියා - එළු_මස්_නැද්ද_දන්නෑ_නේද?
Fernando Surendra - අර දෙන්නා බයිට් නැතිව බිව්වෙ අපරාදෙ එළුව එන්න කලිං.

අජිත් ධර්ම - මෙන්න මදාවියෝ 3+ ත්‍රී ප්ලස් එකට දැම්මා. http://nelumyaya.com/2015/06/

කුරුටු - එලුවා එලොවට ගියාලු - හිමිකරුවා නඩු ගියාලු - කොටන් ඇද්ද කොල්ලො දෙන්න හිරේ ගියාලූ

මහේෂ් ෂාමින් - අනේ මන්දා එලුවා පස්සෙ ගිහිං මං නරක් වෙයිද මන්දා

මනෝෂ් (සඳුමල්) - එලුවොත් ඉන්නවා මෙහෙම පණ නහගන්න එලුවොනං දැක්කෙ නෑ මාධවියේ

අටම්පහුර- උඹටත් පනින්නනෙ තිබුනෙ ගැඹුර බලන්නත් එක්ක?

සඳරු- එලුවා පැන්නේලු ලිඳ තුලපතුල නොදත් - මෙහෙමත් මෝඩ එලුවෝනම් වේද තවත්

මධ්‍යස්ථ මථධාරියා - මේක වෙන්න තිබුනේ මෙහෙමයි. එලුවා එනකොටම මිතුරෝ දෙන්නා පැනලා කඹේ අල්ල ගන්නවා. තුන්දෙනාම ලිඳේ...

ශණි शनि - කවි ටික ගැන නම් විශේෂ දෙයක් කියන්න නෑ. හැබැයි ඇන්ටිසිපේටඩ් කමෙන්ට්ස් ටික නම් සීයට සීයක්ම තාත්විකයි. (ඔය වැඩෙත් හැමෝටම බෑ)
මගේ කිචී - එළුවංට කිචි නැද්ද?
බස්සි - හිකේයියා... එලුවො පස්සෙ යන්න.....................?

තුශානි - හෆෝයි...චී... ඈක්ක... එලුවො...ඕක්...

උපේක්ෂා - මොකුත් කියන්න විදිහක් නෑ. මේසෙ කොන හපාගෙන ඉන්නෙ.

Priyanthi Hansamali - :P (XXX++++****)

මල්කොබා- අඩේ ඒ එලුව අල්ලගත්තනං ගොඩා...ක් එව්වා ඉෂ්ට කොරගන්න තිබ්බා බං...

කැමරාවෙන් එහා ලෝකය - පරණ කතා අලුත් ස්ටයිල් ... සුපිරි... 

දිල්ෂාන් - පට්ට යකෝ... පනින්න පෙර පොටෝ ගහන්න...

මැලේ - මෙහේනං එලුවන්ට ඔච්චර ලොකු අනං මනං නෑ...

කටුසු හදවත - මට සැකයි උඹද මේ එලුවා කියලා!

කෙන්ජි - එළුවොනම්...වැඩක්...නෑ... කෑල්ලක්...වත්... දුවං...ආවානං...කැලේ...මැද්දෙං...

Manoj Fernando - හොඳ එළුවෙක් ඈ.

මනාගෙ පින්තාරුව - පට්ට... මං ඔය එළුවා ගැන සිංදුවක් හදනවා.

වැව් ඉස්මත්ත - පට්ට බං.. අසරණ එලුවා පව්...

ගස් ලබ්බ - එළු ලබ්බ!
නිමෝ - මට එන්න වෙන්නෑ අද හෙට. තව මාසෙකිං එන්නං.

කම්මල - අඩේ, ජෙප්පොත් ඔය එලුවා පස්සෙ නේද දුවන්නෙ?
ඩ්‍රැකී - අපේ බාප්පා ලඟ හිටියා මාර ධනාත්මක එළුවෙක්. ඌ කෑගහන්නෙ ‘හා...හා...‘ කියලා
මහේෂ් රත්නායක - පට්ට පට පට....මදාවියෝ උඹත් එළුවාත් යෙහෙන් වැජඹේවා!
ඉන්ද්‍රජිත් - වටිනා එළුවෙක්!
හීලෑ නැති එකා - එළුවත් මං වගේ හීලෑ නෑ.

රණා.... - නියමායි.............................................................

විභීෂණ- අන්න එලුවො!

රසික - මෙන්න එලුවො http://rasikalogy.blogspot.com/^%*&^$&*^#(*&$^*$
මාධව කුලසූරිය- අපගේ හෙල ඉතිහාසය ගත් කල මෙන්ම, ලෝකයේද පලමු වරට එලුවන් ඇතිකරඇත්තේ රාවන රජතුමාය.
විචාරක- ඒයි, මං ලිඳකට වැටුනා කියලා තෝ මොකද කවි ලියන්නේ? අහුවෙයකො මට.

(කාව හරි අමතක වුණානං කියංටෝ...)