හෙදකම්

දුෂ්කර එක ගම්මානෙක - තිබුණා එක සායනයක්

හෙදියන් තිදෙනෙක් සමගින් - ‍ඩොකෙකුත් උන්නා

සායනයේ සියලුම දෑ - මේ සිව්දෙන ඉටු කෙරුවා

ගමේ සියලු දෙනගෙන් නිසි - සැලකුම් ලැබුවා

නිතරම එක ටීම් එකක් - ලෙසින් සේවෙ කළ නිසාම

මේ සිව්දෙන හොද මිතුරන් - බවට පත්වුණා

එක දවසක් නර්ස් කෙනෙක් - තේ පානය අතරතුරේ

"‍ඩොක්ටට පොඩි ජෝක් එකක් - කරමුද" ඇහුවා

පහුවෙනිදා තුන්දෙනාම - තමන් කරපු විහිලුව ගැන

මහ හයියෙන් හිනා වෙවී - විස්තර කෙරුවා

"මිනිහගෙ වෙද නළාව තුළ - පුළුං කුට්ටියක් ගැහුවා

ලෙඩ හදවත් නැවතීදැයි - දොස්තර බැලුවා"

පළවෙනියා දෙස බලාපු - දෙවනි හෙදිය මෙහෙම කියයි

"මම නම අමතක නොවෙනා - විහිලුවක් කලා

මිනිහගෙ බෑගයෙ තිබිච්ච - කොන්ඩම් සේරම අරගෙන

ඉදිකටුවෙන් සිදුරු කරල - නැවතත් දැම්මා..."

"ඔයා කළේ මොකක්ද“ යැයි - තුන්වෙනියා ‍දෙස බලද්දි

මෙන්න බොලේ ඒකිට සිහි නැතිව වැටීලා......

(මේ අපේ දිල්ෂාන් දිසානායක පොටෝ මහත්තයාගේ දෙවැනි එකය. පළවෙනි එක මෙතන තියෙනවා. ඔන්න දිලා මැදගෙන ඉඳපං උත්තර බඳින්න. අන්තිම කවියෙ චූටි වෙනසක් කලා, කමක් නෑනෙ?)