විකිල්ල, ඇදිල්ල සහ එබිල්ල

මහළු ජෝඩුවක් දවසක් - සැන්දෑ කල සාලය මැද
වාඩි වෙලා අතීතයේ - මතක සැමරුවා

ඔබට මතකදෝ ඉස්සර - යන්තම් පොඩි ඉඩක් ලදොත්
සිපගන්නට මාන බලයි - මගේ කම්මුල...


බිරිඳ මෙහෙම කියනා විට - මතකය යලි අවදිවෙලා
සැමියා ඇයගේ කම්මුල - සිප ගත්තාලූ...

ඔය විදිහට සිපගන්නා - අතරතුරේ පහලට ගොස්
මතකද ඔබ හෙමිහිට මගෙ - බෙල්ල විකනවා

බිරිඳ යලිත් කීව ගමන් - සැමියා පුටුවෙන් නැගිටල
හෙමි හෙමිහිට කාමරයට - පියවර මැන්නා

ඇය දුක් වෙයි ඔහු පිළිබඳ - බියෙන් වගේ අසයි මෙසේ
මගේ අතින් වැරදි දෙයක් - කියවුනිද අනේ

නෑ නෑ ඔබ බිය නොවන්න - එහෙම දෙයක් කියවී නෑ
කාමරේට යන්නේ දත් කුට්ටම ගන්නයි

දවසක් එක ඔපීසියක - සේවකයෙක් වැඩට එනව
ඇස් දෙකේම වටේ ඇතේ - කළුතලා වෙලා

යාළුවො ඔහුගෙන් ඇසුවා - මොකදෑ මේ වුණේ කියා
බේරෙන්නට බැරි තැන ඔහු - මෙහෙම කියනවා

ඊයෙ හවස පල්ලියේදි - මට ඉස්සරහින් හිටියේ
හොඳහැටි ඇඟ මහත දෙහෙත - නෝන කෙනෙක්නේ

ඇයගේ සායේ පිටුපස - අල්මාරියෙ අහුවීලා
හරි නෑ නොවැ ඉතිං මෙමා - එළියට ඇද්දා

ඇය ආපසු හැරුණු ගමන් - මගෙ වම් ඇහැ කළු වෙන්නට
දුන්නා නොවැ හොඳ පාරක් - තරු විසිවෙන්න

යාළුවො ටික එය අසලා - හිනාවෙලා යලිත් අසති
එතකොට ඔය අනික් ඇහැට - මක් වුණිද කියා

සාය ඇදල කේන්ති ගියෙ - මම වරදක් කළ නිසානේ
මම ආයත් තිබුණු ලෙසට - ඔබන්න හැදුවා