කව්ද දන්නෙ

දුප්පත් පවුලක් හිටියා - ගොවිතැන් කර දිවි රැකගත්
මව්පිය දෙදෙනා සමගින් - පුතුන් තුන්දෙනා

ඔවුනට තිබු ලොකුම දෙයයි - කිරි එළදෙන හොඳින් වැඩුනු
ඌ මත යැපිලා සිටියේ - පවුලෙ පස්දෙනා


දවසක් උදයේ ගෙවිලිය - කිරිදොවන්න ගිය කලදී
එළදෙන මැරිලා හිටියා - අනේ අනිච්චං

ගෙවිලිය කම්පා වීලා - හතී අතේ දුව පැනලා
ගෙදර ඇවිත් ගෙල වැල ලා - පණ නහ ගත්තා

උදයේ අවදිව ගොවියා - කිසි සද්දක් නැති හින්දා
වට පිට සෝදිසි කරලා - කම්පා වෙනවා

ගෙවිලිය පණ නහගෙන ඇත - එළදෙන මියැදීලා ඇත
කුමක් කරමිදෝ මම යැයි - සොවින් තැවෙන්නා

ගෙටගොස් ගිනි බටය රැගෙන - ඔලුවට තියලා බට කොන
වෙඩි තියාන ගොවියා පරලොව වෙත වැඩියා

ලොකු පුතාද අවදි වුනා - මව් පිය දෙදෙනා දුටුවා
මලවුන් අතරෙයි ඇත්තේ - එළදෙන සමගින්

ගඟට පැනල පණ නහගමි - කියා ගියේ ගඟ අයිනට
පනින්න පෙර ඔහු දුටුවේ - අමුතුම දසුනක්...

අඟ පසඟින් හරි පිරිපුන් - සඳවන් වත කමල පිපුණු
රුවැති කිඳුරියක් දිය මත පා වී ආවා

ඔබ පත්වී ඇති දුක දැක - ආවෙමි මම පිහිට වෙන්න
එක කොන්දේසියක් පිටයි - හැම සිදුවන්නේ

එක දිගටම තුන් පාරක් - මා සමගින් එක්වීලා 
මාව සතුටු කලොත් තමා - එය ඉටුවන්නේ

එවිට ඔබට මව් පියන්ද - කිරි එළදෙන සමග තුටින්
කල් ගෙවන්න ඒ හැම මම ආපසු දෙන්නේ

නමුත් ඔබට නොහැකි වුනොත් - ජීවිතයෙන් වන්දි ගෙවා
ඔබටත් සිදුවේය අනෙක් අය වගෙ යන්න...

තරුණයාද කැමති වෙලා - තුන් පාරක් එකතුවෙන්න
සූදානම් වුවත් අහෝ වැරදුනා අනේ

පළමු දෙවන උත්සාහය - හරිගියාට අන්තිමේදි
තුන් වන වර බැරි වුනාලූ - ඛේදයකි අහෝ...

කිඳුරිය ඔහු ගිල්වාලා - ගඟ පතුලේ සැඟවූවා
දෙවන පුතා ඇහැරෙනුයේ - එයිනුත් පසුවයි

මව්පියන්ද සමග ගොසින් - එළදෙන ඇත මරු තුරුලේ
ඒ වන විට ලොකු අයියත් - ඔහු හැර ගොසිනී...

ගඟට පනිමි මමත් ඉතින් - දිවි තොරකර ගන්න රිසින්
දෙවන පුතත් දිව යන්නේ ගඟ වෙතට ඉතින්

දිය කිඳුරිය පැමිණෙන්නේ - පළමු ලෙසම කියවන්නේ
කොන්දේසිය වැඩි වන්නේ - පස් පාරකටයි...

ඇයගේ රූ සිරි දැකලා - මේ පුතාද සැරසෙන්නේ
නමුත් ඔහුට යා හැක්කේ - සිව්වරක් තමයි...

ගඟ පතුලේ ගිලී ගියේ - දෙවන පුතුද නොසිතු ලෙසේ
බාල පුතා අවදි වෙතේ - සැමටම පසුව...

එළදෙන හා මාපියන්ද -  වැඩිමල් වූ සොහොයුරන්ද
අහිමිව ඇති බව දැනුනා - බාල පුතාට...

ඔහුද යතේ ගඟ සොයාන - සිය දිවි නහ ගනු විලසින්
දිය කිඳුරිය හමු වන්නේ - ඔහුට එතැනදී

ඔබගේ මවු පිය දෙදෙනා - සමගින් එළදෙන ලැබදෙමි
එපමණක්ද නොවේ ඔබේ - අයියල දෙන්නා

මේ සියල්ල නැවත ඔබට - ගෙනවිත් දෙන්නට හැක මට
දහ පාරක් මා සමගින් - එක් වෙනවානම්...

බාල කොලූ එය අසලා - එඩිතර ලෙස නැගී සිටී
ඇයි දහපාරක් විතරක් - කියා විමසුවා

පහලොස් පාරක් බැරිදෝ- අපි දෙන්නට එකතුවෙන්න
ඔහු විමසීයෙන් කිඳුරිය - මෙවර මවිත වේ...

ඇයි පහලොස් වරක් ඇතිද - විසි පාරක් බලමු නේද
ඔහු ඇසුවා යලිත් වරක් - පුදුමය පතුරා

ඇය හට මෙය හරි අමුතුයි - මෙවන් පිරිමියෙක් නැත තව
ඇය හට මුණ ගැසී ඇත්තේ - කිසිම දවසක...

අවසන ඇය එකඟ වුනා - විසි පාරක් එක් වන්නට
පොරොන්දු වූ ලෙසින් සියලු දේ යලි දෙන්න

මේ මොහොතේ බාල පුතා - ඇය නවතා මොහොතක් සිට
මෙන්න මෙහෙම ගැටලුවකුයි - පැන නංවන්නේ

කවුද දන්නෙ ඔබෙ පොරොන්දු - එලෙසින් ඉටු වෙයිද කියා
විසි පාරෙදි ඔබ මැරුනොත් - එළදෙන වාගේ...