කොහෝ කොහෝ

කොහෝ...කොහෝ....
මොන මගුලට කොහෝ කියනවදෝ
අතේ සතේ හිඳෙනා බව - උඹට දැනෙනවදෝ...


පඩි බෝනස් ඇඩ්වාන්ස් ද අතක් පුරා ලැබිලා
කොහෝ අන්න අර බලපං - කඩවල බඩු පිරිලා

කොහෝ...කොහෝ....
මොන මගුලට කොහෝ කියනවදෝ
වමත අල්ල කහනා බව - බොටත් දැනෙනවදෝ...

අපට නැතත් පොඩි එවුන්ගෙ ආසාවන් දැකලා
කියන කියන දේ ගෙනවිත් - පොකැට්ටුවත් හිඳිලා

කොහෝ...කොහෝ....
මොන මගුලට කොහෝ කියනවදෝ
අවුරුද්දක් මොන ලබ්බට - අරගෙන එනවදෝ...

ගෙදර උන්ට නෑ සියන්ට රෙදි කෑලිත් බෙදලා
පරණ රෙද්ද ඇඳගෙන - ඉමි අත්දෙක පිහදාලා

කොහෝ...කොහෝ....
මොන මගුලට කොහෝ කියනවදෝ
මැයි මාසේ පඩි එනකන් - උඹත් හිඟනවදෝ...

(මේක ලියන්න හිතා හිටි දෙයක් නෙමේ. ඒත් සජ්ජාගේ අවුරුදු පණිවිඩය දැකලා නිකමට හිතුනා. සජ්ජා, බොහොම ස්තුතියි!)

කට්ටිය පොඩ්ඩක් මේ සුභ පැතුමත් එක්ක සැඟවුණු අමුත්තො හොයන්නකො බලන්න එහෙනම්.