හාවා සහ වළහා

එකමත් එක කාලයකදි - එකමත් එක කැලයක් තුල
හාවෙක් සහ වළහෙක් මිතුරන් ලෙස උන්නා 

උඩින් මිතුරුකම් තිබුණත් - දෙන්නට දෙන්නා නිතරම
යටින් ගේම දෙන්න තමයි - බලාන උන්නේ


දවසක්දා දෙන්න එක්ක - ගමනක් යන අතරතුරේ
හමුවිය මග වැටිලා තිබු - පිත්තල පහනක්

දෙන්නා එය අතට අරන් - යන්තම් පිහදාපු සැනින්
මතුවිය පහනේ කෙමියෙන් - තඩි බහිරවයෙක්

ඔබ තුමන්ල දෙපල නිසා - සිය වසරක මගෙ සාපය
නිමාවෙලා මේ පහනෙන් - නිදහස් වූයේ

ඒකට කළගුණ සලකා - දෙදෙනාටම තුනක් බැගින්
වර හයක්ම දෙන්නෙමි මම - කියන් කැමති දේ

වළහ සැනින් ඉස්සර වී - මේ කැලයේ ඉන්න අනෙක්
වලස්සු සැම වැළහින්නියො - වේවා කීවා

ඔබේ වරය ඉටු වුණේය - කියා කීය බහිරවයා
ඉන්පසු ඔහු හාවාගෙන් - වරය විමසුවා

මට ඕනෑ වේගවත්ම - මෝටර් සයිකලය තමයි
හාවා කී හෙයින් ඔහුට - ඒකත් ලැබුණා

හාවුන් මෙහෙමත් මෝඩද - කියා සිනාසුනු වළහා
දෙවනි වරය ලෙස තමන්ගෙ - මෙසේ ඉල්ලුවා

මේ රටේම හැම කැලේම - ඉන්නා සියලුම වළසුන්
වැලහින්නියො වේවා යැයි - ඔහු යලි පැතුවේ

ඒ වරයත් ඉටු වුණේය - බහිරවයා යලිත් වරක්
හාවාගෙන් ඔහුගෙ දෙවන - වරය විමසුවා

මට දෙන්නකො ලෝකෙ තියෙන - ශක්තිමත්ම හෙල්මටයක්
කීයෙන් හාවා ඌ හට - ඒකත් ලැබුණා

අපරාදේ වර දෙකක්ම - නාස්තිකරගති මේකා
මේ වෙලාවෙ වළහ පෙරලි පෙරලි හිනැහෙතේ

මට ඕනෑ ලෝකෙම - වලස්සු වැළහින්නො වෙන්න
වළහා තම අවසන් වරයත් ලැබ ගත්තා

දැන් වාරය හාවාගෙයි - අන්තිම වරයත් එයවේ
හාවා තම හෙල්මටයද - පළඳාගත්තා

යතුරු පැදියටත් නැගලා - පණගන්වා ජවගන්වා
බහිරවයා අමතා තම - වරය ඉල්ලුවා

මේ වළහා මෙතැන් පටන් - සමරිසි වළහෙක් වේවා
කියා කියපු හාව තියල - ඇරිය ඇරිල්ලක්