ආධාර

සෑහෙන කල් විදේශයක - සේවය කල පුරවැසියෙක්
ආපසු මව් බිමට පැමිණ - ගෙදර යන ගමන්

අගනගරේ වීදි පුරා - රථවාහන බ්ලොක් වීලා
නතරවෙලා තිබෙනා දැක - කිමදැයි බැලුවා


වාහනයෙන් වාහනයට - පියනගමින් යමක් කියන
පොලිස්කාරයෙක් දැකලා - ඔහුට ලං වුණා

මොකක්ද මේ තදබදේට - හේතුව යැයි ඇසූ කලට
පොලිස්කාරයා වී ඇති - දේ පවසන්නේ

අපි ඉන්නේ ගැටලුවකයි - අපේ රටේ නායකයා
හතර අතේ ණය වීලා - වැලේ වැල් නැතේ

බිලියන ගානක් මුදලින් - ගෙවන්න සිදුවී ඇත දැන්
පවුලේ අය පවා ඔහුව - ඇත මග හැරලා

අද ඔහු එළියට බැහැලා - දැම්මානොවැ තර්ජනයක්
පෙට්‍රල් වත්කරගෙන ගිනි තියං මැරෙන්න

ඉතිං මේව තව බලාන - ඉන්නට හැක්කේ කාටද 
ඒ හින්දයි ඔහු වෙනුවෙන් - යමක් කරන්නේ

වාහනයෙන් වාහනයට - ඇවිද ගොසින් හැකි අයගෙන්
ටික ටික හරි ආධාරයි - මේ රැස් කෙරුවේ

මේ කතාව ඇසු මිනිසා - නැවත පොලිස් පොර අමතා
ඉතිං දැනට කොච්චර රැස් කෙරුවද ඇහුවා

.

.

.

.

.

.

.

පටන් ගත්ත විතරයි මේ - දෙන්න තමයි මේ පෝලිම
තමා එකතු වී ඇත්තේ ගැලුම් තිස් පහයි