ගොනා

එකමත් එක ගොවි මහතෙක්-තම මිතුරෙක් සමග එක්ව
ගව පට්ටිය දියුණු කරන ක්‍රමයක් සිතුවා

දෙදෙනාගෙම මුදල් යොදා- තඩි ගොනෙක්ව මිලදී ගෙන
පට්ටි දමනු පිනිස දෙනුන් සමග එක් කලා


ටික කලකින් මිතුරා විත්- තම ආයෝජනය කෙසේ
වැඩකර ඇතිදැයි කියලා කරුණු විමසුවා

ගොවියා එම විට දුකිනී-කීවා අර ගවයා ගැන
තණකොල කනවා විතරයි වෙනත් වැඩක් නෑ

මිතුරා මෙය සොයා බලා- දැක්කා එය සැබෑ බවත්
ගවයා නෑ දෙනුන් දිහා හැරිලා බැලුවේ

අවසන මිතුරන් දෙන්නා-කතාවෙලා පිළියම ලෙස
පශු වෛද්‍යවරයෙකු හට ගොනා පෙන්නුවා

ඊ ළඟ සතියේ මිතුරා-ඇවිත් ඇහුව ගොවියාගෙන්
වෛද්‍ය උපදෙස් විලසින් වැඩ සිදුවේද

අපොයි මචෝ ඒ ටිකනම් -කියලා නිම කරන්න බෑ
ඒ දොස්තර දුන්නු පෙත්ත එළකිරි වාගේ

ගොනා මගේ පට්ටියටම - සංග්‍රහ කරලා ඉවරයි
හතර වටේ පට්ටි වලත් ඕ.ටී. කරතෙයි

මොනවද ඒ පෙති ජාතිය-මොන පාටද ලොකුද පොඩිද
මිතුරා කුතුහලයෙන් ඒ ගැන විමසන්නේ

පාට මොකද ලොකුද පොඩිද -මට කියන්න තේරෙන්නෑ
අමු තිත්තයි ඇතුල, පිටිං පෙපර්මින්ට් රහයි