මාත් කරන්නේ ඒකයි

නගරයෙ කෙළවර වෙන්නට - තිබුණා එක සාප්පුවක්
ඉලෙක්ට්‍රොනික් බඩු ඒකේ - පුරවා තිබුණා

දවසක් එක මහත්තයෙක් - ගියාලු මේ සාප්පුවට
සේවකයා සමග ඇවිද - බඩු මිල ඇසුවා

මේ ටී.වී. එක කීයද - මහත්තයා ඇහුව සැනින්
අයියෝ රුපියල් දාහයි - ගෝලය කිව්වා


පුදුමෙන් පුදුමයක් මේක - එතකොට මේ ශීතකරණෙ
කීයක් වෙනවද කියලා - ආයිත් ඇහුවා

ඒකත් රුපියල් දාහයි - අරං යන්න ඕනි දෙයක්
හැම එකක්ම ඒ මිලටයි - මම විකුණන්නේ

කොහෙද මේකෙ හිමිකරුවා - මෙහෙමත් බඩු විකුණනවද
බඩු මිල ගැන ඔහුගෙන් මම - අහල බලන්නම්

මේකෙ අයිතිකරු දැන් ඇත - අපේ ගෙදර රිංගලා
මගේ ගෑනි සමගයි ඔහු - ඉන්නව ඇත්තේ

දන්නවාද මේ වෙලාවෙ - ගෑනිට ඌ කරන වැඩේ
මාත් ඒකමයි කරන්නෙ - උගේ කඩේට...!