අදයි දවස

වැඩිහිටි පිරිමින් උදෙසා - සම්මන්ත්‍රනයක් පැවතුනි
තුන්සීයක් පමණ දෙනා - ඇවිදින් සිටියේ

පවුල් ජීවිතේ මතුවන - සෞඛ්‍යමය ගැටලු ගැනයි
දේශනවල මාතෘකා - ගොනුවී තිබුණේ

එක් දේශක මහත්තයෙක් - පැමිණි පිරිස අමතාලා
"දිනපතාම එක්වන අය - කවුරුද" ඇසුවා


පිරිසෙන් බාගයක් පමණ - අත් ඉහලට එසවූවා
ඉන්පසු සතියකට වරක් - ගැනද විමසුවා

ඉතිරි පිරිසගෙන් අඩකුයි - ඒකට අත ඉස්සූවේ
මසකට එක් වරක් ගැනයි - ඉන්පසු ඇසුවේ

හිනා වෙවී හරි සතුටින් - ඉන්නා එක මහත්තයෙක්
හැර සියලුම දෙනා ඉතිරි - අත් එසවූයේ

සතුටින් ඉන්නා මිනිසා - විමසාලා දේශකයා
"කොපමණ කලකට වරක්ද" යනුවෙන් ඇසුවා

"අවුරුද්දට එක පාරයි" - මේ මිනිසා කීව නිසා
සියලු දෙනා පුදුම වෙලා - හැරිලා බැලුවා

"එතරම් අඩුවෙන් ඉඳලත් - ඇයි මෙතරම් සතුටින් ඔබ"
දේශක තැන තම පුදුමය එළෙස පළකලා

සිනා පිරි මුවින් එමවිට - නැගී සිටිය මේ මිනිසා
"අදයි දවස" කියා මහත් හඬින් හිනැහුණා

අලුත් වෙන්න ඕනෑ නම් - ගිය දේවල් ඔහෙ ගියාවෙ

"අදයි දවස" සැමටම සුභ වසරක් වේවා!!!