ඕව මොනවද?

රටවල් තුනකින් ඇවිත් - දොස්තරවරු තුන්දෙනෙක්
දවසක්දා හමුවීලා - කතාබහේ යෙදෙමින
තම රටවල දියුණුව - වෛද්‍ය විද්‍යාවෙන
කරන හාස්කම් පවසති - පම්පෝරිය ගසමින


එංගලන්තෙ දොස්තර - තමන් රටේ වැඩගැන
අනෙක් දෙන්න ඉදිරියේ - මෙන්න මෙහෙම කියමින

මිනිහෙක්ගේ වකුගඩු- දෙකෙන් එකක් ඉවතට
අරං දාල සත්කාරෙන් - සුවපත් කර අවසන
සති තුනකින් පසු දින - වැඩකරනා පෙර මෙන
මේ මිනිසා දෙස බලලා - සතුටු වෙන්නෙ අපි සැම

ඇමෙරිකාවෙ දොස්තර - තමන්ගෙ ලොකු වැඩ ගැන
පොර ටෝකක් දෙන්නෙ මෙලෙස - උජාරුවෙන් දොඩමින

මිනිහෙක්ගේ හදවතින් - අඩක් අරං එළියට
වෙනත් කෙනෙකු හට එය - බද්ධ කරමු  සැනෙකින
සති දෙකකින් පසු දින - දෙදෙනම වැඩ අරඹතී
මේ දෙන්නා දිහා බලා - සතුටු වෙන්නෙ අපි සැම

අප්‍රිකාවෙ රටකිනී - තුන්වෙනියා පැමිණුනේ
ඕවත් වැඩදැයි අසා - තම රට ගැන කියමිනේ

මොලේ කළඳකුත් නැතී - මිනිහෙක් තෝරා අපී
පත් කරනව අපේ රටේ - නායකයා විලසිනී
එහෙව් අපේ නායකයා - වැඩ කරනා තුරු තමා
එදා පටන් මුලු රටේ - බලාඉන්නෙ අපි සැමා