මැක්කා

එක මැක්කෙක් දවසක්දා - මුහුදු වැල්ලෙ වැතිරීලා
සුවදායක අව්රැල්ලක් - තපිමින් උන්නා

උගේ යාලු තව මැක්කෙක් - සීතලයෙන් වෙව්ලමිනේ
ඌ අසලට ආව නිසා - තොරතුරු ඇසුවා


කොයි ලෝකෙද යෝදයො උඹ - රිංගන්නට ගියේ මෙසේ
සීතලයෙන් වෙව්ලන්නේ - කියාපන් මට...

බයික් කාරයෙක්ගෙ රැව්ලෙ - තමයි නවාතැන් ගත්තේ
ශීත කාලේ ඒ මිනිහා - දිගටම පැද්දා

සීතලයෙන් ගැහෙමින්නේ - බහින්න විදිහක් නැත්තේ
ඉවසාගෙන හිටියා මං - තාම ගැහෙනවා

අනේ මෙහෙම ගොං මැක්කෙක් - ඕකුන්ගේ රැවුලෙ කොහෙද
සැපක් කියන දේ කිසිදා - රැඳිලා තිබුණේ

මීට පස්සෙ උඹ පලයන් - ගුවන් තොටුපලක් සොයාන
කාන්තාවෝ යන ටොයිලට් - එකකට පලයන්

කොමෝඩ් එකේ පියන යටට - රිංගාලා බලා ඉඳිං
හොඳ ලස්සන ගුවන් සේවිකාවක් එනකන්

ඊට පස්සෙ පදිංචියට - ඒ ඇත්තිගෙ තැනක් ඇතේ
උණුසුම සහ සැප පමණයි - එතන රැඳෙන්නේ

කියපු ලෙසට මේ මැක්කා - ගියා මිතුරු ඔවදන් ගෙන
සති කීපයකට පස්සේ - දෙන්න හමුවුණා

අනේ පවු එදත් මේකා - සීතලයෙන් වෙව්ලමිනේ
පළමු මැක්ක අව්ව තපින - තැනට පැමිණුනා

මොකද ගොනෝ මේ පාරත් - ගැහෙමින් ආපහු ආවේ
මං කියාපු දේ කෙරුවේ - නැද්ද කියාපන්

උඹ කියාපු විදිහට මං - කොමෝඩ් පියනෙ සැඟවුණානෙ
හරි ලස්සන ගුවන් සේවිකාවක් ආවා

මමත් ගියා පදිංචියට - උඹ කියාපු දේ ඇත්තයි
උණුසුම සහ සැප පමණයි - එතනදි ලැබුණේ 

ඊට පස්සෙ මාත් සමග - අර ලස්සන කාන්තාව
ක්ලබ් එකකට යනවානම් - යන්තම් මතකයි

තිබුණු සැපට නින්ද ගියා - ඇහැරීලා බලපු කලට
ආයිත් අර මූසලයගෙ - රැවුලෙ හිටියෙ මං....