හැඳි

මහත්තයෙක් දවසක්දා සැඳෑ වරුවක
සමාජ ශාලාවක් වෙත සොයා මධුවිත
ගොසින් මෙනුව කියවාලා බයිට් සමගින
ඇණවුම් කෙරුවා සැර ඇති බීමක් හොඳට


ටිකකින් මත්ගතිය නිසා අත වැරදීලා
හැන්දක් බිම වැටුනි ඔහුගෙ පාමුල අසල
වේටර් තැන සැනින් පැමිණ නොකර කරදර
සාක්කුවෙන් හැන්දක් ගෙන දුන්නෙ විගසින

මහත්තයට හරි පුදුමයි මේ සැලකිල්ල
හැම දෙනාම ළඟ මේ ලෙස හැඳි තියෙනවද
එස් පහ කරලා තියෙන්නෙ අපේ ක්ලබ් එක
හැඳි තියෙනව සාක්කුවේ අපි සැවොම ළඟ

ඒ අතරේ මහත්තයා පුදුම කරමින
වේටර්ගේ කලිසම මැද්දෙන් එල්ලෙමින
තිබෙනා නූලක් දැක්කා ටිකක් ඝනකම
මේ මොකක්ද මේ කියලා එයද විමසින

මහත්තයෝ ටොයිලට් යන සැරයක් ගානේ
අත් සෝදන්නට ගියොතින් කාලෙ කනවනේ
ඒක නිසා මේ නූලෙන් තමයි අදින්නේ
මේවා මේ එස් පහ ක්‍රම අනුව තමයිනේ


හරි එතකොට නූලෙන් නොවැ එළියට ගන්නේ
ආයෙත් කොහොමද ඇතුලට ඕක දමන්නේ
මහත්තයෝ ඒක හරිම සරල දෙයක්නේ
සාක්කුවේ ඇති පදමට හැඳි තියෙනවනේ