කම්මුල

බැඳපු ජෝඩුවක් දවසක් - ගමනක් යන අතරතුරේ
ගමන්කරපු රථය හැපුනි - තවත් රථයක

සැමියට සුලු තුවාල මුත් - බිරිඳගෙ මුහුණට මේකෙන්
ඉතා භයානක විලසින් - හානි වුණාලූ


සැත්කමකට ලක් කරලා - මුහුණ නැවත සකසන්නට
සමක් බද්ධ කරන්නටයි - සිදුවී ඇත්තේ

එනමුත් ඇය කෙට්ටු නිසා - කිසිසේත්ම ඇගේ ඇඟේ
කිසි තැනකින් සමක් ගන්න - නොහැකි වුණාලූ

සැමියා හට දුක සිතිලා - ඔහුගෙ ඇඟේ යම් තැනකින්
සමක් ගන්න පුලුවන්දැයි - බලන්න කිව්වේ

දොස්තර ඔහු පිරික්සලා - අන් තැන්වල සමට වඩා
තට්ටම් වල සම සුදුසුය - කියා දැනගතී

සැත්කම ගැන සියලු කරුණු - සැමියා සහ බිරින්දැ හැර
දොස්තර මහතා පමණයි - දැනගෙන සිටියේ

එය නිසිලෙස අවසන් වී - දෙමාසයක් කල් ගතවී
වෙලුම් ලෙහා බැලූ කලට - පුදුමයකි අනේ

බිරිඳගෙ මුහුණේ තිබුනේ - කිසිකලකත් නොවූ විරූ
කඩාහැලෙන ලස්සනකිය - සැම සිත් බඳිනා

නෑදෑයින් යාලුවන්ද - දකින දකින සියලු දෙනා
ඇයගෙ අලුත් රූ සිරියයි - නිතර ඇගයුවේ

ටික කලකට පසු දවසක් - රෑ යහනේ සිටිනාතර
ඇය සැමියා අමතාලා - මහත් ආදරෙන්

"රත්තරනේ මා වෙනුවෙන් - ඔබ කලදෑ සියල්ල ගැන
ජීවිතේට මට බැරිවෙයි - ණය ගෙවන්නට

මා කුමක්ද කල යුත්තේ - ඔබ කල ඒ කැපවීමට
කළගුණ සැලකීමට හැකි - අයුරු කියන්න"

"අනේ සුදූ ඇයි ඒ ගැන - හිතමින් ඔබ ලතවෙන්නේ
නැවත නැවත එපා යලිත් - සිතා තැවෙන්න
.
.
.
.
.
.
.
.
.
ඔබගේ මව ඔය කම්මුල - ඉඹින වාරයක් පාසා
මා ලබනා තෘප්තිය ඇති - මට සැනසෙන්න"